წარმოიდგინეთ, რომ ყოველდღე აკეთებთ იმას, რაც გიყვართ და ამით შემოსავალსაც იღებთ. მშვენიერი აზრია, არა? ბევრმა წარმატებულმა ბიზნესმა სწორედ ასე დაიწყო — უბრალო ჰობით და დიდი ოცნებით.თუ ხელნაკეთი სამკაულების დამზადება გიყვართ, საუკეთესო ნამცხვრებს აცხობთ ან ფოტოგრაფიაში ხართ ნიჭიერი, თქვენი გატაცების მომგებიან საქმიანობად გადაქცევად ნამდვილად ღირს.
ჩვენი ბლოგების სერიით, რომელიც მომზადებულია ელექტრონული კომერციის ასოციაციის მხარდაჭერით, პერიოდულად ზოგად რჩევებს მოგცემთ, როგორ წამოიწყოთ და მართოთ თქვენი პატარა ბიზნესი.

დაიწყეთ იდეით

უპირველესად, უნდა დაუსვათ საკუთარ თავს კითხვა: შეუძლია თუ არა ჩემს ჰობს პრობლემის გადაჭრა ან საჭიროების დაკმაყოფილება? ბიზნესი მხოლოდ გატაცება არ არის.

მაგალითად, თუ სანთლების დამზადება გიყვართ, შეგიძლიათ ფოკუსირდეთ ეკოლოგიურად სუფთა, ხელნაკეთი და უნიკალური არომატების მქონე სანთლებზე. თუ ფოტოგრაფიაა თქვენი ჰობია, შეიძლება თქვენი ნიშა იყოს ოჯახური მომენტების დაჭერა ან პატარა ბიზნესებისთვის ბრენდული ფოტოების გადაღება. მთავარი ისაა, რომ თქვენი ჰობი ბაზრისთვის მიმზიდველი გახადოთ.

მოიკვლიეთ ბაზარი

მხოლოდ შესანიშნავი იდეა არ არის საკმარისი. აუცილებელია იცოდეთ, ვინ არის თქვენი პოტენციური მომხმარებელი და როგორია კონკურენცია. გამოიკვლიეთ მსგავსი ბიზნესები და განსაზღვრეთ მათი ძლიერი და სუსტი მხარეები. ეს დაგეხმარებათ სტრატეგიულ პოზიციონირებაში.

დასვით კითხვები:

• ვინ იყიდის ჩემს პროდუქტს ან მომსახურებას?
• რამდენის გადახდისთვის არიან ისინი მზად?
• რით გამოვირჩევი კონკურენტებისგან?

გაყიდვების დასაწყებად სოციალური მედია შესანიშნავი ადგილია.ამ თემაზე რჩევებს მომდევნო ბლოგში შემოგთავაზებთ. გაწევრიანდით ჯგუფებში, ჩაატარეთ გამოკითხვები ან უბრალოდ დააკვირდით, რას ამბობენ მომხმარებლები მსგავს პროდუქტებზე.რეალური მომხმარებლების აზრი უფრო სასარგებლო იქნება, ვიდრე ნებისმიერი ვარაუდი.

პირველი ნაბიჯები

ჰობიდან ბიზნესზე გადასვლა რთული და თანმიმდევრული პროცესია — საჭიროა დაგეგმვა და მოქმედება. აი, რა უნდა გააკეთოთ პირველ რიგში: 

• დაიწყეთ მცირე მასშტაბით – სანამ დიდ ინვესტიციას ჩადებთ, შეამოწმეთ მოთხოვნა.
  წარუდგინეთ რამდენიმე პროდუქტი ნაცნობებს, შესთავაზეთ მომსახურება ფასდაკლებით. ასე შეძლებთ მეტ-ნაკლებად მიხვდეთ, როგორია მოთხოვნა თქვენს პროდუქტზე და რა არის გასაუმჯობესებელი.
  
  
• შექმენით ონლაინ მაღაზია – დღევანდელ რეალობაში ბიზნესი, რომელსაც ონლაინ სივრცეში არ აქვს გაყიდვები, თითქმის უხილავია. დაიწყეთ სოციალური მედიის გვერდით ან მარტივი ვებგვერდით, სადაც თქვენს ნამუშევრებს გააცნობთ საზოგადოებას.
  
  
• დაადეთ ფასები სწორად – ნუ დააკნინებთ თქვენს შრომას მხოლოდ იმიტომ, რომ ეს ჰობით დაიწყო. გამოთვალეთ ხარჯები და სამუშაოსთვის დახარჯული დრო, რომ დააწესოთ სამართლიანი და მომგებიანი ფასები.ნურც იმას იფიქრებთ, რომ თქვენი შრომა შეუფასებელია, ყურადღება მიაქციეთ კონკურენტების ფასებს და მომხმარებლის გადახდისუნარიანობას.
  
  
• მართეთ ფინანსები – გახსენით ცალკე ანგარიში ბიზნესისთვის და აკონტროლეთ ყველა ხარჯი და შემოსავალი. საბიუჯეტო დაგეგმვა თავიდანვე დაგეხმარებათ სწორ მასშტაბირებაში.
  
  
• მოჰყევით თქვენს ისტორიას – მომხმარებლები არ ყიდულობენ მხოლოდ პროდუქტს, ისინი ყიდულობენ ამბებს. მოუყევით მათ თქვენზე და თქვენს პროდუქტზე, თანაც ისე, რომ აჩვენოთ, რა სარგებელს მიიღებენ თქვენი პროდუქციისა თუ მომსახურების შეძენის შემთხვევაში. 

როგორ გავზარდოთ ბიზნესი და შევინარჩუნოთ სტაბილურობა